Şəkidə klublardan birinin üst tərəfində maraqlı abidə yerləşir. Mən daima bu abidənin olduğu məkandan yan keçirdim. Sonda vaxt tapıb bu abidə ilə maraqlandım. Öyrəndiyim məlumata görə, abidə 1930-cu ildə döyüşən əsgərlərin xatirəsinə ucaldılıb. Onların adı 9 Qızıl Əsgər olub. Abidənin üstündə yazıldığına görə, bu əsgərlər elə bu  abidənin ətrafında basdırılıb. Mənim üçün maraqlı olduğuna görə, bu abidənin üstdündəki adları çəkməyə çalışdım. Lakin əsgərlər haqqında daha ətraflı məlumat tapa bilmədim. Yazılanlara görə həmin əsgərlər Sovet Hakimiyəti uğrunda döyüşüblər. Lakin hansı döyüş olduğu yazılmayıb.  Bununla yanaşı Bakı Fəhlələri Yakovlev, Məmmədov, Qələndərovun nəyə görə Şəkidə basdırılması haqqında məlumat tapa bilmədim. Naməlum bir tarixçənin naməlum abidəsi.

Hazırladı: Polad Rəsulzadə