Vahid İsmayılov:

–         Mən   9 il bundan qabaq başlamışam yaşamağa. Özüm sənətkar bir insan idim. Çətinliyim oldu gəldim düşdüm buraya.  Mən də istəyirəm evə gedəm, evdə yaşayam.         

Müsahibim bildirir ki,  iki oğlu və həyat yoldaşı onu qəbul etmir. Küçələrdə gecələyir. Yoldan keçənlərin verdiyi pul hesabına yaşayır. Küçələrdə dəmir qırıntıları toplamaqla məşğul olur.  Bu bir insanın simasında evsiz insanların ümumiləşmiş taleyidir. Onlar daha çox bomj adı ilə tanınırlar. Bomjlara  daimi sığınacaq verilməlidirmi? Sosioloq Cavid İmamoğlu qeyd edir ki, Avropa ölkələrində İkinci Dünya Müharibəsindən sonra kimsəsiz uşaqlar,bomjlar üçün Sosial evlər yaradılıb. Amma bu cür məskənlərin yaradılması risklidir. Avstryada son 30-40 ildə müəyyən olunub ki,bomjların bir yerdə yaşaması erkən yaşda nikaha girməyə səbəb olur.

Cavid İmamoğlu:

–         Bomjlarla bağlı yeni layihə həyata keçirilir indi Azərbaycanda.Amma bunun psixososial tərəfini unutmaq olmaz.Azərbaycanda bununçün kifayət qədər resurs yoxdur.Peşəkar psixoloqlar lazımdır ki,ailəyə dəstək modelini ortalığa qoysunlar.Əgər nəzarətsiz qalsalar peşə hazırlığı kurslarına cəlb olunmasalar bomju sadəcə evlə təmin etmiş oluruq,təfəkkür yerində qalır,dəyişmir.

Ekspertin fikrincə Azərbaycanda belə mərkəzlər demək olar ki, yoxdur. Amma istər  Qeyri Hökümət  Təşkilatları istərsə də, dövlət sektorunda mərkəzlər yaradılmalıdır.

Bomjlar şəhər sakinləri üçün də təhlükəlidir.                                                       

Bayramova Şərqiyyə:

–         Küçədə belə narahatçılığı sosial  bəla hesab edirəm.Çünki uşaqlı qadınlar gəzir küçələrdə.hər cür yaş təbəqəsindən insanlar var.Narahat  oluruq.Demirəm bizə təsir göstərirlər..Psixoloji  təsir eləyir.İstəmirəm cəmiyyətdə belə insanlar olsun.onlar üçün dövlətdən müəyyən dərəcə yer ayrılsın .

Bomjların problem  yaratmadığını düşünən sakinlər  də var.

Orxan Əlili:

–         Onlar da insandırlar,onların  da  özlərinə  görə  tipləri  var.Belə  deyək  də narahat elədiyi tərəf də eləmədiyi  tərəf var.

Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Asəf Əliyev qeyd edir ki, bomjları daimi yaşayış yerlərinə cəlb etmək  mümkün deyil. Hətta qışda onları müvəqqəti sığınacaqlarla təmin etmək çətinləşib.

Asəf  Əliyev:

–         Bu gün Azərbaycanda  o dərəcə də belə deyək də   müəyyən  səbəblər üzündən küçədə yaşayan insanlar o dərəcədə deyil.Əgər varsa da daha çox  Bakı şəhərində,paytaxtda məskunlaşıb. Onlar 5 – 10 nəfərdi. Onlar da Azərbaycan vətəndaşıdır.Amma  araşdırıb baxmaq lazımdır, əsaslandırmaq lazımdır   bunların daimi yaşayışı üçün hər hansı bir mərkəz yaradılmalıdır?

Asəf Əliyev qeyd edir ki,ilin sonuna kimi təklif qaldırılıb hökümətə təqdim olunacaq.