Bakıda keçirilən NATO Parlament Assambleyasının (PA) 86-cı “Rose-Roth” seminarının işinə yekun vurulub. 

Seminarla bağlı fikirlərini GSR.fm-lə millət vəkili Zahid Oruc bölüşüb.

Millət vəkili tədbiri Azərbaycanın maraqlarına uyğun qiymətləndirib və üç məqama toxunub: “Birinci nəzərə almaq lazımdır ki, bu əvvəldən planlaşdırılmış bir seminardır. Müəyyən idea, tezis, fikir, prinsiplər hazırlayan bir formatdır, sadəcə seminar deyil.

İkinci Azərbaycanda Nato seminarı elə bir zamanda keçirildi ki, bir çoxları fikirləşə bilərdi, Azərbaycan Avro Atlantik məkanla ehtiyyatlı davranışlar sərgilədiyi bir halda bu bölgədəki məsələlərlə necə uyğunlaşa biləcəkdir, bu Rusiyanın qəzəbini doğuracaqdır?  və s. Hesab edirəm, Azərbaycan bir daha göstərdi ki, öz mövqeyində prinsipialdır və ardıcıldır.

Üçüncü məsələ erməni parlamentariləri bu tədbirə qatıldılar və mahiyyət etibarilə güllə atan ermənidən fərqli olmadığını sübut etdilər. Radikallıq, təxribatlar və s. Azərbaycan nümayəndə heyəti tam bir tərkibdə məsələyə yanaşdı”.

Zahid Oruc Metyu Brayzanın çıxışına da münasibət bildirib: “Metyu Brayzanın çıxışında kifayət qədər Azərbaycanın haqlı mövqeyini tanıyan, bəzi gizli danışıqların da ayrı ayrı elementlərini açan, bu həqiqətləri də ifadə edərəkən ədalətli mövqelər ifadə olunub və düşünmürəm ki, onun çıxışı anti Azərbaycan ritorikasına köklənib.  Eyni zamanda onlar müstəqil  şəxslərdir, konkret olaraq dövlət təmsilçiləri deyil. Bu o demək deyil ki, Amerika da onlar kimi fikirləşir”.