“Hal-hazırda gənclərin əksəriyyəti ilk öncə düşünür ki, gələcək üçün karyera qursun və bu karyera məsələsi gətirib ona çıxarır ki, vaxt çatışmazlığı olur. Gün ərzində bəzi gənclər var ki, saat 9-dan axşam 9-a qədər işləyir. Bütün bunlar ona gətirib çıxarır ki, ünsiyyət problemi pozulur.”

Sumqayıt şəhər sakini Nərminə Hacıyeva gənclərin gec evlənməsinin səbəbini sosial problemlərdə görür.

”Gec evlənmədə hamısı sosial probləmlərdir. Yəni indi işsizlik çoxdur. Gənclər oxuyub qurtarırlar işlə təmin olunma məsələləridir. Yəni bunlar hamısı həll olunsa mənə elə gəlir ki, həm gənclərin evlənməyi, həm də işsizlik problemi həll olunar.”

Müsahibələrimiz içərisində həyat yoldaşını tapa bilməməsini səbəb göstərənlər də var.

“Şəxsi problemlər də ola bilər gec ailə qurulmasına. Işsizlik, şəxsi problemlər, şəraitin qurulması və həyat yoldaşını tapmaq”.

Müsahiblərimizin fikrincə, bir sıra sahələrdə Avropaya inteqrasiya etdiyimiz kimi, evlilik məsələsində də onları özümüzə nümunə götürürük. Amma gec ailə qurmaq bəzi hallarda karyera ilə bağlı olsa da, əsasən maddi imkansızlıqdan irəli gəlir.