Bakı yaz fəslini yaşayır. Yaz təbiətin oyandığı və havaların mülayimləşdiyi fəsil olduğundan insanlar da daha çox təbiət qoynunda istirahətə üstünlük verirlər. Lakin, Bakı sakinləri şəhərdə yetərincə piknik yerinin olmamasından şikayətlənir.
Bakıda gedirik pikniklərə Mərdəkana və Botanika bağına.İstərdik daha çox olsun,səliqəli yerlər olsun və ucuz olsun. Pikniklər üçün təbii bitkilər, meşə zolağı olan zonalar olsa daha yaxşı olar. Yaşlılar, uşaqlar, gedə bilsin kimsə mütaliə edə bilsin.
Gözəl təbiətimiz var amma ki, yenə də Bakıda elə məkanlarımız yoxdur. Bizdə hal hazırda bunu görmürəm bu mədəniyyət yoxdur. Təbii ki, yenə də yaşıllığı qorumaq lazımdır. Əsas budur.
Bakının kəndlərində olsa yaxşı olar. Sovet vaxtında gedib Stepan Razin dağına, Şıxova gedirdik. İndi də orda piknik yaratmaq olar. Yəni belə bir şərait var Azərbaycanda.
Psixoloq Elmir Əkbər şəhər sakinləri üçün pikinik yerlərinin vacibliyini vurğulayır. O bildirir ki, belə yerlər insan psixologiyasına çox müsbət təsir göstərir:
Ona görə ki, insan nə qədər yarandığı təbiətə yaxın olarsa, o rahat və firəvan yaşayar.Bu günki gün insanların depresiv yaşamasının səbəbi insanların təbiətdən uzaq düşməsidir. Bakını mərmərlərlə deyil də yaşıllıqlarla bəzəsinlər ki,insanlarında pikniyə getməyə yerləri,seçimləri daha çox olsun.
Nazirlər Kabineti yanında Dənizkənarı Bulvar İdarəsinin rəis müavini Nazim Məcidov isə, bulvar ərazisində piknik yerlərinin olmamasının səbəbini açıqlayır. O bildirir ki, gələcək üçün də bu ərazidə piknik yeri nəzərdə tutlmayıb.
Dəniz kənarı bulvarda piknik üçün məkan ayrılmayıb. Səbəbi Bakının iqlimi qışda və yayda o qədər sərtdir ki, yaşıllıq sahələrini salmaq həm iqtisadi cəhətdən vəsait tələb edir həm də fiziki cəhətdən ora çoxlu işçi qüvvəsi cəlb olunmalıdır. Piknik üçün yer ayrılarsa həmin yaşıllıq əraziləri tez bir zamanda korlanacaq və o da bulvarın ümumi görkəminə zərər gətirəcək.
Azərbaycan Respublikanın Dövlət ŞƏhərsalma və Arxitektura idarəsinin sədr müavini Dövlətxan Dövlətxanov piknik yerləri ilə bağlı yazılı sorğumuza cavabında bildirir ki, “Böyük Bakının Regional İnkişaf Planı”nda 10 min hektara yaxın ərazi rekreasiya məqsədləri üçün planlaşdırılıb.Qeyd etmək istəyirik ki, rekreasiya zonalarında əhalinin istirahətinin yaradılması və təşkili üçün bağlar,parklar,xiyabanlar, meşə parkları, sututarlar,landşaft,memarlıq obyektləri,digər turizim, istirahət və sağlamlıq yerləri nəzərdə tutulur.Gələcəkdə rekreasiya zonalarında piknik yerləri yerli icra hakimiyyəti,bələdiyyələr,hüquqi və fiziki şəxslər tərəfindən yaradıla bilər.
Hazırladı: Aytən Şükürova