Sosial, ZZ-Manşet

Nazirlikdə ilin yekunlarına həsr olunan iclas keçirilib

medeniyyet nazirliyi“Biz artıq yerlərdə turizm xidmətlərinin inkişafına daha çox diqqət yetirməliyik”.

GSR.fm-in APA-ya istinadən verdiyi xəbərə görə, bunu Azərbaycanın mədəniyyət və turizm naziri Әbülfəs Qarayev bu gün 2014-cü ilin yekunlarına həsr olunan kollegiya iclasında cıxış edərkən deyib.

2014-cü ilin abidələrin qorunması baxımından xüsusi bir ilin olduğunu vurğulayan nazirin sözlərinə görə, aparılan islahatlar nazirliyin nəzdində yeni yaradılan Mədəni İrsin Qorunması, İnkişafı və Bərpası üzrə Dövlət Xidmətinin işini daha da gücləndirəcək: “Biz artıq deyə bilmərik ki, hansısa abidə pis gündədir. İndiyədək nazirlikdə abidələrin qorunması ilə məşğul olan ayrıca xidmət olmayıb. Bu xidmət bu istiqamətdə işlərin aparılmasında mühüm rol oynayacaq”.

Bu ilin yekunlarını çox müsbət dəyərləndirən Ә.Qarayev bildirib ki, ölkə Prezidentinin sərəncamı ilə təsdiqlənən Mədəniyyət Konsepsiyası əsasında bir neçə yeni mühüm sənəd hazırlanıb.

Nazir əlavə edib ki, bu yaxınlarda Xazmazda İcra Hakimiyyətinin dəstəyi ilə Mədəniyyət və Turizm Şöbəsi üçün yeni bina tikilərək istifadəyə verilib: “Yaxsı olardı kı, şöbələr üçün bütün rayon və şəhərlərdə belə ayrıca binalar tikilsin. Bu, bizim fəaliyyətimizi daha da yaxşılaşdırar”.

Öncəki xəbərNövbəti xəbər

Bir cavab yazın

Sizin e-poçt ünvanınız dərc edilməyəcəkdir.