Əgər “cəhənnəmi” görmək istəyirsinizsə, onda Natron gölünə baş çəkə bilərsiniz. Gözəl olduğu qədər də qorxulu olan Natron gölü Tanzaniyanın şimalında yerləşir. Öz rəngi və öldürücü gücü ilə daha çox cəhənnəmi xatırladır.

Göl öz adını suyun tərkibindəki natron mineralının çox olmasından götürüb. Elə suyu da belə gözəl eyni zamanda təhlükəli edən həmin mineraldır.

Əslində Natron adətən digər göllərdən fərqlənmir. Yalnız su buxarlanan zaman şəkildə gördüyünüz vəziyyətə gəlir.

Çünki su buxarlanan zaman gölün qələviliyi artır və ona qırmızılıq verən bir neçə növdə bakteriyalar çoxalmağa başlayır.

Göldə bir neçə heyvan növləri yaşayır. Onların arasında qeyri-adi balıq növü olan “qələvi tilapia” var. Bundan əlavə burada nadir heyvanlardan olan flaminqo cütləşmək üçün məskən salıb.

Gölün suyu flaminqolar cütləşən zaman onları vəhşi heyvanlardan qoruyur. Ona görə də minlərlə flaminqo burada yuva qurmağa gəlib. Halbuki bu yer kifayət qədər təhlükəlidir. Flaminqolar ölümcül suyu olan gölün ətrafında yuva qururlar.

Gölün qələviliyi normadan yüksək olduğu üçün suyun temperaturu 60°C təşkil edir. Ona görə də gölə düşən heyvanlar (xüsusilə də quşlar) həmin anda ölürlər. Onların cəsədi minerallarla örtülərək bərkiyir və daş heykəllərə çevrilir.

Natron gölünün heyvanları öldürüb heykələ çevirmək “bacarığını” ilk dəfə aşkar edən növbəti dəfə Afrikaya səfər etmiş fotoqraf Nik Brandt olub. O elə bir reportaj hazırlayıb ki, şəkillərdəki heyvanlar sanki canlıdır və qorxulu filmlərdəki səhnələrə bənzəyir.

“Mən onları çəkmiyə bilməzdim”,– dedi.

Hazırladı: Rəna Hüseynova

Mənbə: adme.ru