Foto, GSR fm, Reportaj, ZZ-Manşet

“Onların gözü olaq” - Reportaj

Azərbaycan Dövlət Pedaqoji Universitetinin (ADPU) II tədris binasında Beynəlxalq Gözdən Əlillər Günü münasibətilə “Onların gözü olaq” adlı tədbir keçirilib.

Tədbirin giriş hissəsində ADPU-nun Elmi işlər üzrə prorektoru professor Asəf Zamanovun çıxış edib. O bildirib ki, tədbir gözdən əlil insanlara dəstək məqsədilə keçirilir. Tədbirdə Universitetin professoru İbrahim Bayramov, Respublika Gözdən Əlillər Kitabxanasının direktor müavini Tofiq Balayev, kitabxanaçı Nazlı Əliyeva, “Məhdud Sağlamlıq və İnkişaf Mərkəzi” İctimai birliyinin sədri Bəybala İbadullayev də iştirak edib.

Onlar, gözdən əlillərə göstərilən dövlət qayğısı, gözdən əlil insanların cəmiyyətə adaptasiyası, qarşılaşdıqları çətinliklər və kitabxananın fəaliyyəti barədə danışıblar.

Respublika Gözdən Əlillər Kitabxanasında hazırda bir çox könüllü gənc, “Bizim səsimiz, onların gözü” devizi altında gözdən əlillər üçün müxtəlif kitablar səsləndirir.

Tədbirdə iştirak edən hər kəsin bir saat ərzində gözləri lentlə bağlanıb və onlar bu vəziyyətdə gözdən əlillərin fəaliyyəti haqqında hazırlanan video çarxın səsini dinləyiblər. Bununla  bir müddətlik də olsa özlərini gözdən əlillərin yerinə qoyaraq, belə insanları daha dərindən hiss ediblər.

Hazırladı: Səyyarə Hətəmli

 

Öncəki xəbərNövbəti xəbər