İctimai Fikir, ZZ-Manşet

“Təəccüblənmək hissini itirmişəm”

Sorğumuzu dinləmək üçün “Play” düyməsini klikləyin. Aşağıda isə sorğunun mətni ilə tanış ola bilərsiniz.

Bir aforizmdə deyilir ki, təəccüblənmək öyrənməyin ilk addımıdır. Maraqlıdır, görəsən, məşhurları insanların hansı hərəkəti təəccübləndirir?

Cəlil Cavanşir: Düzünü deyim ki, mən son vaxtlar təəccüblənmək hissini itirmişəm. Ona görə heç nəyə  təəccüblənə bilmirəm. Məsələn,  2015-ci ildə hələ də durub milliyətçilik edən adamlar var bu adamların hərəkəti  məni təəccübləndirir. Hərdən düz danışan adam görəndə təccüblənirəm ki, hələ də düz danışan adamlar var.Ümumiyyətcə çox uzun müddətdir ki, lap çoxdan təəccüblənmək hissini itirmişəm.

Əminə Yusifqızı: Vəhşi hərəkətləri. Bəli, özlərini apara bilmirlər. Qışqıra-qışqıra danışırlar. Küçədə xalq çox vəhşiləşməyə doğru gedir. Onlarda təqsirkar deyillər. Xalq ki qarışıb bir-birinə Qarabağ məsələsi də buna təsir edib ki, çox belə aqressiv olublar. Elə hər yerdə təkcə Bakıda deyil. Başqa kanallar baxanda görürsən ki, aqressiv daha çoxdur. Camaatın baxışı da dəyişib yerişi də dəyişib.

Flora Kərimova: Yalan danışmağı. Nəyin bahasına olur olsun yalan danışmağı. Yalan danışandan sonra çox şeylər törənir. Yalan çox şeylərin fundamenti olur

Aysel Əlizadə: Həyasızlığı. Yəni, heç alışa bilmədiyim cəhətdirmi deyim üstünlükmü deyim, bəlkə. Yaxşı mənada insanların aşırı xeyirxahlığı, güzəşti yumor hissi təəcübləndirə bilər. Görünüşü ilə xasiyyəti üst-üstə düşmürsə, təəccübləndirə bilər  yaxşı mənada.

Vahid Əziz: Cəmiyyətin ümumi davranışına  qaydalarına uyğun olmayan hərkətlər məni təəccübləndirir. Adamlar var ki, kobudluğu, qanmazlığı,  arsızlıığı özünə bir lotuluq kimi qəbul edir.  Elə bilir ki, bu lotudur, hər şeyi edə bilər. O, məni təəcüblənidirir ki, olmaz da. Adam  gərək bir ətraf mühitə baxa ki, ətrafdakılar özünü elə aparmalıdır.

Aynur Zərrintac: Özlərinə uyğun hərəkətlər deyil sadəcə özlərini kiməsə göstərmək üçün rola girib həmin hərəkətləri edəndə. Yəni, süni şəkildə davranış qaydaları.

Cavan Zeynallı: Tanınmış adamlardan elə ki, bu məşhur adamlar o ki, həyatını veriblər sənətə, amma onlar salamlaşmaq elementarnı bilmirlər. Necə salam versinlər. Musiqini bilməyən adamların, və istəməyənlərin diqqətləri yoxdur. Və mənim ürəyim inciyir ondan. Yəni, hər adam gərək muiqini sevsin və başa düşsün. Çünki sevən adam musiqini çox yaşayar. O, xəstəlik bilmir çünki musiqi dərmadır.

Fəxriyyə Xələfova: Adətən məni insanlarda biganəlik hissi təəccübləndirir. Ona görə ki, biganəlik hissini əslində  mən mənfi hiss kimi qəbul edirəm. Yəni insanların bir-birlərinin dərdlərinə, çətinliklərinə biganə qalmaq məni həmişə təəccübləndirir. İnsan həmişə insanlıq nümayiş etdirməlidir. Həmişə çalışmalıdır yaxşılıq nümayiş etdirsin. Çünki nəcib hisslər hər zaman özümüzə həm də ki, yaxınlarımıza ancaq və ancaq xoş təəssüratlar bəxş edə bilər.

Öncəki xəbərNövbəti xəbər