1. Tazmaniya pələngi

Tazmaniya höküməti rəsmi adı Thylacine olan Tazmaniya pələnginin nəslinin 80 il öncə tükəndiyini açıqlasa da, bir qrup ingilis elm adamı bu canlının hələ də yaşadığını sübut etmək üçün araşdırmalar aparır.

2. Dodo quşları

Nəsli tükənmiş heyvan deyincə ağıla ilk gələn quşlardandır. Dodo quşları insanlar tərəfindən 1600-cü illərdə yırtıcı heyvanların olmadığı bir ərazidə kəşf edilib. Buna görə də dodolar insanlardan qorxmayıb onlara güvənirdi..Beləliklə də, ac gəmiçilərə ov olurdular.

3. Qızıl Kaliforniya ayısı

Qəhvəyi rəngli ayıların digər bir növü olan qızıl ayıları Kaliforniya əyalətinin rəsmi bayrağında da əks olunub. Eyni zamanda Kaliforniya əyalətindəki idman komandalarının maskotu olaraq da istifadə edilib. Bu qədər dəyər verilməsinə baxmayaraq nəslin son nümayəndəsi 1922-ci ildə vurularaq öldürülüb.

4. Yapon su samuru

2012-ci ildə yapon su samurunun nəslinin tükəndiyi açıqlanıb. Bu növün nəslinin tükənməsinə səbəb kimi hədsiz dərəcədə ovlanılması göstərilib. Yapon su samuru son dəfə olaraq 1979-cu ildə görülüb. Daha sonra bu istiqamətdə araşdırmalar aparılsa da, heç izinə də rast gəlinməyib.

5. Avropa bizonu

Bu canlılar hazırda yaşayan sığırların daha böyük formada olan ataları sayılır. Avropa bizonları on min il əvvəl əhlilləşdirilib. Bir vaxtlar dünyanın hər yanında hər yerində rast gəlinən bu canlılar 1200-cü illərdən etibarən sadəcə Orta və Şərqi Avropada rast gəlinib. Nəslin sonuncu nümayəndəsi  1627-ci ildə Polşa zoparkında ölüb.

6. Qızıl qurbağa

Bu qeyri-adi görünüşə sahib olan qurbağaların nəslinin kəsliməsi son dövrlərə təsadüf edir. Bu canlılar 50 il öncə kəşf edilib. Qızıl qurbağaları kəşf edən sürünən heyvanların araşdırılması üzrə mütəxəssis Jay Savaj qurbağanı görəndə təəccüblənib, real olduğuna inanmayıb. Kəşf olunmasından 20 il sonra təxminən 1500 qızıl qurbağaya rast gəlinib. Bundan sonra qurbağalar  qəfildən və tamamilə yox olublar. 1989-cu ildən bəri bu növə heç rast gəlinməyib. Buna səbəb kimi ilqim dəyişikliyini göstərirlər.

7. Mavi antiloplar

Mavi antilopların nəslinin tükənməsinə səbəb kimi insanları günahlandıra bilmirik. Çünki bu antiloplar kəşf edilərkən belə nadir rast gəlinən canlılardan idi. Bu heyvanların sayına, yaşadığı ərazilərə və qida mənbələrinə iqlim dəyişikliyi təsir edib. Məhz bu səbəbdən  2000-3000 il əvvəl  mavi antilopların sayı sürətlə azalıb. Yəni, kəşf edildikləri dövrdə artıq nəsilləri tükənirdi.

8. Huia quşu

Bu quş növü vaxtı ilə Yeni Zellandiyada yaşayıb. Yerli insanlar bu quşu ovlayıb ətindən qida, tüklərindən bəzək və hədiyyəlik əşya kimi istifadə edib. Amma bu quşların nəslinin kəsilmə səbəbi yerlilər deyil. Sonradan qitəyə gələn avroplalıların hədsiz dərəcədə bu quşu ovlaması və onların yaşadığı meşələrin məhv edilməsi Huia quşlarının nəslini kəsib.

Mənbə: mynet.com